Federal Pandemic Unemployment Compensation (FPUC)

PULRAI RUANGAH RIAN NGEI LO MI HNA CAAH FEDERAL COZAH LEI IN BAWMHNAK PEKNAK (FPUC)

A TLANGPI IN

Hi Pulrai Ruangah Rian Ngei Lomi Hna Caah Federal Cozah Lei In Bawmhnak (FPUC) cu Coronavirus Aid, Relief, and Economic Security (CARES) timi Coronavirus pulrai chungah bawmhnak, chawhlehnak lei humhimnak caah tiin phunglam upadi 2020 ( CARES Acts 2020) tangah sermi bawmhnak pakhat a si i federal cozah asiloah ramkulh cozah lei in serpiak mi rian ngei lo mi hna caah aa-mah-khan bawmhnak a hmumi hna nih a dang herbau mi cawknak caah tiin bawmhchap mi a si.  Hi bawmhnak cu rian ngeitu pawl nih rian ngei lo mi hna caah tiah cozah sinah ngunkhuai pekmi phaisa in bawmhmi a si lo. Federal cozah lei in bawmhmi a si. 

 PULRAI RUANGAH RIAN NGEI LO MI HNA CAAH FEDERAL COZAH LEI IN BAWMHNAK PEKNAK (FPUC): 

  • Zarkhat ah $600 in bawmhnak pekchap a si lai i a tanglei bawmhnak a hmu cia mi a siloah a thar in a sawk ding mi hna caah a si lai. Cu hna cu, rian ngei lo mi hna caah aa-mah-khan tuah piakmi (UI), Federal cozah rian tuantu hna caah rian an ngei lo tikah bawmhnak peknak (UCFE), ralkap a rak tuan balmi hna caah rian an ngei lo tik hnu ah bawmhnak tuah piakmi (UCX), Bualtlak in pulrai caan ah a biapi tuk in rian ngei lo mi hna caah bawmhnak pekmi (PEUC), Rian Ngei lomi tam tuk lio caan ah bawmnak pekmi (EB) le Caantawi ca bawmhnak pek/mah lungtho in bawmhnak pekmi (STC/VSW), Chawlehnak A Thar In Sersiamnak (TRA) le Kokek rawlrai lo ruangah rian ngei lo mi hna caah bawmhnak (DUA) pawl hi an si.  Cawnnak (training) Kai Liomi hna caah bawmhnak (TEB) le Chawlehnak Tuahtu A khar Mi (Business Clossing) hna cu FPUC bawmhnak a hmu lai lo.
    • Thok ni: March 29, 2020 ( April 4, 2020 zarh dongh lei) 
    • A Dih ni:  July 25, 2020 July thla zarh dongh 

FIR HLENNAK CAAH RALRIN PEKNAK!

  • Na theih buin midang pakhat khat a dik lo ning in bia na chim ter asiloah midang pakhat khat kha thil dik kong chim ding ah khenkhamnak tuah in hi Pulrai Ruangah Rian Ngei Lomi Hna Caah Federal Cozah Lei In Bawmhnak Peknak (FPUC) hmuh ding na zuam asiloah na hmuh sicun, United States updadi phunglam 18 i, 19 section 1001 in tazacuai na si lai. Lih le hrokfol in bawmhnak hmuhnak ding caah a tuahtu le FPUC bawmhnak caah zarhkhat (asiloah zarh fatin) tein a sawk i a ngah lo ah cun a ralai dingmi FPUC bawmhnak sawk khawnak chung in phih an si lai i bawmhnak pek an si lai lo.
  • Rian ngei lo mi hna caah bawmhnak hna kha hmuh duh ruangah ah a ruang set um loin riah in a chuak mi hna cu UI asiloah CARES Act timi upadi tang in lih le hrokhrol ruangah tiin dantat khawh a si. Cu bantuk lih le hrokhrok in bawmhnak hna cu na hmuh ah cun, a ra lai dingmi bawmhnak hna ah pek na si ti lai lo. Cun, cu bawmhnak na ngah cia mi kha na cham/pek than lai i section 1001 of title 18, United State Code timi upadi in sualnak tuah ruangah tiin tazacuai na si lai.
  • Timh ciammam le theih ko buin rian ngei lo mi hna caah aa-mah-khan bawmhnak hmuhnak ding caah pehtnolh in sawk lengmang asiloah nawlnak tuah lengmang cu lih le hrokhrol, eihmur ah ruahpiak khawh a si hlei ah bawmhnak pek lo tiang tawn khawh a si. Cun, a dang sualnak he pehtlaih in tazacuai khawh a si i dantat khawh zong a si.

BAWMHNAK A SAWKTU HNA CAAH A BIAPI MI THAWNGPANG HNA

  • Hgakchia zohkhehnak hna cu Pulrai Ruangah Rian Ngei Lomi Hna Caah Federal Cozah Nih Bawmhnak Peknak (FPUC) chung in rian ngei lo mi hna caah bawmhnak tuahmi he aa tluk tein in zuh an si lai.
  • FPUC bawmhnak hna cu ngunkhuai pek a herhmi an si. Hi bawmhnak hna cu 2020 ngunkhuai pek kum ah na hmuhmi 1099G ah khan telh piak chih an si lai. Rian ngei lomi hna caah aa-mah-khan bawmhnak chung in ngunkhuai pek ding tiah na thim a si ahcun cu ngunkhuai hna cu FPUC bawmhnak chung in zuh asiloah pek piak cia an si lai.

RIAN NGEITU HNA CAAH A HERHMI THAWNGPANG

  • FPUC bawmnak a hmuhtu riantuan tu hna caah bawmhnak pek cu rian ngeitu hna nih liam piak a herh lai lo.
  • Pulrai zawtnak pi a dih hnu in, na riantuan tu hna kha rian ah luh than ding tiah thawng na thanh hna nain riantuantu nih rian tuan than a duh lo ahcun, a tanglei Iowa riantuannak lei thanchonak zung ( Workforce Development) kha pehtlaih in thawngh na thanh colh lai: https://www.iowaworkforcedevelopment.gov/job-offer-decline-form-employers
  • Rian ngeitu hna nih rian ngei lo mi hna caah aa-mah-khan ngunkhuai kong he pehtlaih in thlathum ah voikhat an tuah tonmi ripawt kha an tuah colh a herh. Cu hnu lawngah an sinah riantuantu hna nih bawmhnak cu a rannak bik in an hmuh khawh lai.  
  • COVID-19 pulrai ruangah siloin rian tuan lo in a um mi riantuantu pakhat khat nih bawmhnak hmuhnak ding caah nawlnak tuahmi kha rian ngeitu hna nih an theih ahcun, Notice of Claims (65-5317) asiloah SIDES thawng theihternak ah an thanh colh ding a si.
  • Rian ngeitu hna nih hlawhman zulh loin dinhnak le hlawh zuh loin zawt ruangah dinhnak a lami riantuantu hna cu Notice of Claim (65-5317) asilaoh SIDES thawng theihternak ah an thanh colh ding a si.

COVID-19 PULRAI RUANGAH HARNAK A TONGTU RIANTUANTU/MAH TEIN RIAN NGEIMI HNA CAAH A HERHMI THAWNGPANG

  • COVID-19 pulrai ruangah rian tuan khawh loin na um a si ahcun, rian ngei lo mi hna caah bawmhnak a simi poah hmuh khawhnak ding caah cun hi ka online in rian ngei lo mi hna aa-mah-khan bawmhnak sawknak ca (application) hi na phih dih a herh. 
  • FPUC sawknak ding ah a sawk kho tu na si maw si lo kha na sawkmi cung hoih in zohfelnak tuahpiak na si lai.   March thla 29, 2020 in July 25, 2020 ah federal cozah asiloah ramkulh cozah lei in bawmhnak pekmi ah na tel ve ah cun, FPUC bawmhnak zong na sawk kho lai.
  • FPUC bawmhnak kha na hmuh cang ko nain, zarh fatin in bawmhnak ding dingmi caah khan ripawt na tuah peng a hau lai.  A dang bawmhnak pek ning (phaisa kuatnak asiloah peknak) bantuk tein khan atu bawmhnak zong hi pek a si lai.

PUMPAK IN BAWMHNAK SAWK DING MI CAAH A HERHMI

Hi Pulrai Ruangah Rian Ngei Lomi Hna Caah Federal Cozah Lei In Bawmhnak (FPUC) bawmhnak cu pumpak pakhat in sawk na duh ahcun:

  • Ramkulh cozah asiloah federal cozah lei nih rian ngei lo mi hna caah tuahmi aa-mah-khan bawmhnak ah a sawk kho tu na si a herh. Cun,
    • A tlawmbik rian ngei lo mi hna caah tuahmi aa-mah-khan bawmhnak in $1 a hmuh kho mi na si a herh. Asilo ahcun,
    • Hlennak le tam deuh pek sualnak a um lo nakhnga rian ngei lo mi hna caah bawmhnak cu zuhpiak chung kho tu a si lai. 
  • COVID-19 pulrai ruangdah ti lo ahcun rian a tuan kho ding le rian a kawl hawl kho tu na si lai.
  • Rian kawlnak kong he pehtlaih mi kha an in hal ah cun tha tein tial piak dih ( Sawknak ca na tuahmi ah an in hal lawng ah na tial piak lai)
  • Hi bawmhnak caah na sawk lio ah na hlawh mi zat hna kha tha tein ripawt na tuah lai. Na hlawh mi hna timi hna cu na riantuannak in na hmuh mi, na zawt ruangah na dinh ko nain hlawh na hmuh chih mi, dinh caan ah na hmuhmi (holiday pay) le rian lawng chung ah na hmuh mi hlawh (vacation pay) hna kha an i tel.

ZEIDAH KA TUAH A HERH LAI ?

ZARH FATIN BAWMHNAK SAWK KHAWHNAK CAAN HNA

Zarhpini - 8:00 am to 7:30 pm

Nikhat Ni in Ninga Ni tiang - 8:00 am - 5:30 pm

Bawmhnak na sawkmi kong he pehtlaih in biahalnak na ngeih ahcun, zaangfah tein hika  uiclaimshelp@iwd.iowa.govasiloah 866-239-0843 ah pehtlaihnak tuah khawh kan si.

 

 

Individual