Pandemic Emergency Unemployment Compensation (PEUC)

PULRAI RUANGAH RUAH LOIN A CHUAK MI RIAN NGEI LO HNA CAAH RULHNAK/BAWMHNAK (PEUC)

A TLANGPI IN

Pulrai Ruangah Ruah Loin A Chuak Mi Rian Ngei Lo Hna Caah Rulhnak/bawmhnak (PEUC) cu Coronavirus Aid, Relief, and Economic Security (CARES) timi Coronavirus pulrai chungah bawmhnak, chawhlehnak lei humhimnak caah tiin phunglam upadi 2020 ( CARES Acts 2020) tangah sermi bawmhnak pakhat a si. Hi bawmhnak rian ngei lo mi hna caah aa-mah-khan bawmhnak a ngah kho ti lo mi hna caah bawmhnak a si.  Hi bawmhnak cu rian ngeitu pawl nih rian ngei lo mi hna caah tiah cozah sinah ngunkhuai pekmi phaisa in bawmhmi a si lo. Federal cozah lei in bawmhmi a si. 

PULRAI RUANGAH RUAH LOIN A CHUAK MI RIAN NGEI LO HNA CAAH RULHNAK/BAWMHNAK (PEUC): 

  • A hlan bawmhnak a ngahmi a dih ruangah rian ngei lo mi hna caah bawmhnak kha chap piak.
  • Rian ngei lo tu hna pekmi hlei in zarh 13 kar bawmh chapnak
  • Atu bawmhnak hi pumpak pakhat cio nih a luancia zarh i an hmuhmi bawmhnak zat he itluk in hmuh khawh a si.  
    • Thok Ni: March 29, 2020 ( April 4, 2020 zarh dongh lei) 
    • A Dih ni: December 26, 2020 Thla dongh zarh 

FIR HLENNAK CAAH RALRIN PEKNAK!

  • Na theih buin midang pakhat khat a dik lo ning in bia na chim ter asiloah midang pakhat khat kha thil dik kong chim ding ah khenkhamnak tuah in hi Pulrai Ruangah Ruah Loin A Chuak Mi Rian Ngei Lo Hna Caah Rulhnak/bawmhnak hmuh ding na zuam asiloah na hmuh sicun, United States updadi phunglam 18 i, 19 section 1001 in tazacuai na si lai.
  • Lih le hrokfol in bawmhnak hmuhnak ding caah a tuahtu le PEUC bawmhnak caah zarhkhat (asiloah zarh fatin) tein a sawk i a ngah lo ah cun a ralai dingmi PEUC bawmhnak sawk khawnak chung in phih an si lai i bawmhnak pek an si lai lo.
  • Rian ngei lo mi hna caah bawmhnak hna kha hmuh duh ruangah ah a ruang set um loin riah in a chuak mi hna cu UI asiloah CARES Act timi upadi tang in lih le hrokhrol ruangah tiin dantat khawh a si. Cu bantuk lih le hrokhrok in bawmhnak hna cu na hmuh ah cun, a ra lai dingmi bawmhnak hna ah pek na si ti lai lo. Cun, cu bawmhnak na ngah cia mi kha na cham/pek than lai i section 1001 of title 18, United State Code timi upadi in sualnak tuah ruangah tiin tazacuai na si lai.
  • Timh ciammam le theih ko buin rian ngei lo mi hna caah aa-mah-khan bawmhnak hmuhnak ding caah pehtnolh in sawk lengmang asiloah nawlnak tuah lengmang cu lih le hrokhrol, eihmur ah ruahpiak khawh a si hlei ah bawmhnak pek lo tiang tawn khawh a si. Cun, a dang sualnak he pehtlaih in tazacuai khawh a si i dantat khawh zong a si.

BAWMHNAK A SAWKTU HNA CAAH A BIAPI MI THAWNGPANG HNA

  • Hgakchia zohkhehnak hna cu PEUC rulhnak/bawmhnak chung in rian ngei lo mi hna caah bawmhnak tuahmi he aa tluk tein in zuh an si lai.
  • PEUC rulhnak/bawmhnak hna cu ngunkhuai pek a herhmi an si. Hi bawmhnak hna cu 2020 ngunkhuai pek kum ah na hmuhmi 1099G ah khan telh piak chih an si lai. Rian ngei lomi hna caah aa-mah-khan bawmhnak chung in ngunkhuai pek ding tiah na thim a si ahcun cu ngunkhuai hna cu PEUC rulhnak/bawmhnak chung in zuh asiloah pek piak cia an si lai.

 

RIAN NGEITU HNA CAAH A HERHMI THAWNGPANG

  • PEUC rulhnak/bawmnak a hmuhtu riantuan tu hna caah bawmhnak pek cu rian ngeitu hna nih liam piak a herh lai lo.
  • Pulrai zawtnak pi a dih hnu in, na riantuan tu hna kha rian ah luh than ding tiah thawng na thanh hna nain riantuantu nih rian tuan than a duh lo ahcun, a tanglei Iowa riantuannak lei thanchonak zung ( Workforce Development) kha pehtlaih in thawngh na thanh colh lai:   https://www.iowaworkforcedevelopment.gov/job-offer-decline-form-employers
  • Rian ngeitu hna nih rian ngei lo mi hna caah aa-mah-khan ngunkhuai kong he pehtlaih in thlathum ah voikhat an tuah tonmi ripawt kha an tuah colh a herh. Cu hnu lawngah an sinah riantuantu hna nih bawmhnak cu a rannak bik in an hmuh khawh lai.
  • COVID-19 pulrai ruangah siloin rian tuan lo in a um mi riantuantu pakhat khat nih bawmhnak hmuhnak ding caah nawlnak tuahmi kha rian ngeitu hna nih an theih ahcun, Notice of Claims (65-5317) asiloah SIDES thawng theihternak ah an thanh colh ding a si.
  • Rian ngeitu hna nih hlawhman zulh loin dinhnak le hlawh zuh loin zawt ruangah dinhnak a lami riantuantu hna cu Notice of Claim (65-5317) asilaoh SIDES thawng theihternak ah an thanh colh ding a si.

 

COVID-19 PULRAI RUANGAH HARNAK A TONGTU RIANTUANTU/MAH TEIN RIAN NGEIMI HNA CAAH A HERHMI THAWNGPANG

  • COVID-19 pulrai ruangah rian tuan khawh loin na um a si ahcun, rian ngei lo mi hna caah bawmhnak a simi poah hmuh khawhnak ding caah cun hi kaonline in rian ngei lo mi hna aa-mah-khan bawmhnak sawknak ca (application) hi na phih dih a herh. 
  • Rian ngei lomi hna caah tuahmi aa-mah-khan bawmhnak cu a sawk kho tu na si maw si lo kha na sawkmi cung hoih in zohfelnak tuahpiak na si lai.   Bawmhnak na ngahmi a dih cang asiloah kum thar a phak hlan lo sawk na ngah ti lo ahcun, PEUC bawmhnak tang ah in zarh 13 tiang bawmh chapnak cu na sawk kho.
  • PEUC bawmhnak kha na hmuh cang ko nain, zarh fatin in bawmhnak ding dingmi caah khan ripawt na tuah peng a hau lai.  A dang bawmhnak pek ning (phaisa kuatnak asiloah peknak) bantuk tein khan atu bawmhnak zong hi pek a si lai.
  • Bawmnak na sawkmi kha hman a ngah ti lo asiloah ni caan a dongh (expire) ahcun, PEUC bawmhnak na hmuh ding a tan rih ko zong ah a thar in sawk thannak kha na tuah a herh lai.

 

PUMPAK IN BAWMHNAK SAWK DING MI CAAH A HERHMI

Hi Pulrai Ruangah Ruah Loin A Chuak Mi Rian Ngei Lo Hna Caah Rulhnak/bawmhnak (PEUC) cu pumpak pakhat in sawk na duh asi ahcun:

  • Ramkulh cozah asiloah federal cozah lei in rian ngei lo mi hna caah bawmhnak a tauhmi hna vialte kha an dih cang hnu lawngah sawk khawh a si lai.
  • COVID-19 pulrai ruangdah ti lo ahcun rian a tuan kho ding le rian a kawl hawl kho tu na si lai.
  • Rian kawlnak kong he pehtlaih mi kha an in hal ah cun tha tein tial piak dih ( Sawknak ca na tuahmi ah an in hal lawng ah na tial piak lai)
  • Hi bawmhnak caah na sawk lio ah na hlawh mi zat hna kha tha tein ripawt na tuah lai. Na hlawh mi hna timi hna cu na riantuannak in na hmuh mi, na zawt ruangah na dinh ko nain hlawh na hmuh chih mi, dinh caan ah na hmuhmi (holiday pay) le rian lawng chung ah na hmuh mi hlawh (vacation pay) hna kha an i tel.
  • COVID-19 pulrai ruangdah ti lo ahcun rian a tuan kho ding le rian a kawl hawl kho tu na si lai.

Pulrai Ruangah Ruah Loin A Chuak Mi Rian Ngei Lo Hna Caah Rulhnak/bawmhnak (PEUC) Sawk A Ngah Lomi Hna:

  • Maivan chungin hlawh pek in rian a tuan kho mi le a hlan bantuk in a riantuan caan suimilam zong khat i a hlawh zong zuk lo tein tlamtling tein rian a tuan mi hna cu sawk a ngah lai lo.
  • Dam lo ruangah hlawh zuh lomi dinhnak a la mi asiloah hlawh zuh loin dinhnak caan a la mi hna le PEUC bawmhnak he hmuh chih ah cun phaisa tam ngai a hleihluat a hmu tu hna cu sawk a ngah lai lo.
  • Ramkulh cozah asiloah federal cozah lei in rian ngei lomi hna caah tuahmi aa-mah-khan bawmhnak hna a simi rian ngei lo mi hna caah aa-mah-khan tuah piakmi (UI), Federal cozah rian tuantu hna caah rian an ngei lo tikah bawmhnak peknak (UCFE), ralkap a rak tuan balmi hna caah rian an ngei lo tik hnu ah bawmhnak tuah piakmi (UCX), Rian Ngei lomi tam tuk lio caan ah bawmnak pekmi (EB) le Caantawi ca bawmhnak pek/mah lungtho in bawmhnak pekmi (STC/VSW) ti bantuk a ngah mi hna cu an ngah lai lo.

 

ZEIDAH KA TUAH A HERH LAI ?

 

ZARHFATIN BAWMHNAK SAWK NING:

Zarh fatin bawmhnak ( rian ngei lomi hna caah tuahmi aa-mah-khan bawmhnak UI le Pulrai ruangah rian ngei lo mi hna caah bawmhnak/rulhnak (PEUC) ) hna cu hika online in sawhnak khawh a si https://www.iowaworkforcedevelopment.gov/file-weekly-continued-claim

ZARH FATIN BAWMHNAK SAWK KHAWHNAK CAAN HNA

Zarhpini - 8:00 am to 7:30 pm 

Nikhat Ni in Ninga Ni tiang - 8:00 am - 5:30 pm

Bawmhnak na sawkmi kong he pehtlaih in biahalnak na ngeih ahcun, zaangfah tein hika uiclaimshelp@iwd.iowa.gov asiloah 866-239-0843 ah pehtlaihnak tuah khawh kan si.

Individual