Pandemic Unemployment Assistance

PULRAI ZAWTNAK RUANGAH RIAN NGEI LOMI HNA CAAH BAWMNAK KONG

A TLANGPI IN

Pulrai Zawtnak Ruangah Rian Ngei Lomi Hna Caah Bawmhnak (PUA) timi cu Coronavirus Aid, Relief, and Economic Security (CARES) timi Coronavirus pulrai chungah bawmhnak, chawhlehnak lei humhimnak caah tiin phunglam upadi 2020 ( CARES Acts 2020) tangah sermi bawmhnak pakhat a si. Hi bawmhnak cu COVID-19 pulrai ruangah rian ngei lo mi le mah tein humhim tein cawmnak caah a ngei lo mi le aa-mah-khan lei a ngei lo mi hna caah caan karlak chung bawmhnak pek ding caah sermi a si.  Hi bawmhnak cu rian ngeitu pawl nih rian ngei lo mi hna caah tiah cozah sinah ngunkhuai pekmi phaisa in bawmhmi a si lo. Federal cozah lei in bawmhmi a si. 

PULRAI ZAWTNAK RUANGAH RIAN NGEI LOMI HNA CAAH BAWMNAK KONG(PUA):  

  • Pek Dingmi Zat:
    • Minung pumpak pakhat nih a tlawmbik a hmuh dingmi cu 
      • zarhkhat ah $203 asi lai 
    • A tampi bik a hmuh kho dingmi cu
      • Cawmmi a ngeih lo sicun, zarhkhat ah $481 a si lai
      • A cawmmi minung 4 an sicun zarkhat ah $591 a si lai
  • Zapi fonh in zarh 39 tiang bawmh a si lai
  • A voikhatnak bik bawmhnak peknak zarh:  February 2, 2020 hnu asiloah COVID-19 pulrai ruangah rian an tuan khawh lonak a zarh in rel piak an si lai, asiloah cu hnu tlawmpal deuh in a si ko.
  • A donghnak bik bawmhnak pek zarh:  December thla zarh donghnak 26, 2020 ah a si lai
  • Rian ngeih lo in bawmhnak hmuh dingin a tlak ko timi asiloah a luancia thla 18 chungah rian na tuannak kha na langhter hrimhrim a herh lai.  Cu ni caan ah rian thok ding tiah rak tim cia a si ko nan COVID-19 pulrai ruangah thok kho lomi zong kha rel chih a si lai. Asinain, cu bantuk kha cu a thenthek deuh in an halmi hna ruangah atu caan ah bawmhnak sawk a ngah rih lai lo.

FIR HLENNAK CAAH RALRIN PEKNAK!

  • Na theih buin midang pakhat khat a dik lo ning in bia na chim ter asiloah midang pakhat khat kha thil dik kong chim ding ah khenkhamnak tuah in hi Pulrai Zawtnak Ruangah Rian Ngei Lomi Hna Caah Bawmhnak (PUA) hmuh ding na zuam asiloah na hmuh sicun, United States updadi phunglam 18 i, 19 section 1001 in tazacuai na si lai.
  • Rian ngei lomi hna aa-mah-khan bawmhnak (UI) hmuh duh ruangah rian in chuah, ngol cu PUA nih a ngeihmi phunglam tangah hlennak le eirhmur ah ruahpiak a si. 
  • COVID-19 pulrai zawtnak he pehtlaih loin le a ruang fek lomi hna in na rian na chuah tak asiloah rian um ko nain tuan duh lo asiloah umtu ziaza that lo ruangah rian phuah mi na si ahcun, ramkulh cozah siseh federal cozah lei in bawmhnak a um mi hna cu sawknak nawl na ngei lai lo.   Cu nih a langhtermi cu, ramkulh cozah asiloah federal cozah lei in rian ngei lomi hna caah bawmhnak a sermi pawl hmuhnak ding caah ahcun COVID-19 pulrai he aa pehtlai mi in rian chuahnak kha na tuah lo a herh. Pulrai ruang lawng bak ah rian dinhmi lawng kha bawmhnak pek an si lai.  
  • Timh ciammam le theih ko buin rian ngei lo mi hna caah aa-mah-khan bawmhnak hmuhnak ding caah pehtnolh in sawk lengmang asiloah nawlnak tuah lengmang cu lih le hrokhrol, eihmur ah ruahpiak khawh a si hlei ah bawmhnak pek lo tiang tawn khawh a si. Cun, a dang sualnak he pehtlaih in tazacuai khawh a si i dantat khawh zong a si.

BAWMHNAK A SAWKTU HNA CAAH A BIAPI MI THAWNGPANG HNA

  • Zgakchia zohkhehnak hna cu Pulrai Zawtnak Ruangah Rian Ngei Lomi Hna Caah Bawmhnak (PUA) chung in rian ngei lo mi hna caah bawmhnak tuahmi he aa tluk tein in zuh an si lai.
  • PUA bawmhnak hna cu ngunkhuai pek a herhmi an si. Hi bawmhnak hna cu 2020 ngunkhuai pek kum ah na hmuhmi 1099G ah khan telh piak chih an si lai. Rian ngei lomi hna caah aa-mah-khan bawmhnak chung in ngunkhuai pek ding tiah na thim a si ahcun cu ngunkhuai hna cu PUA bawmhnak chung in zuh asiloah pek piak cia an si lai.

RIAN NGEITU HNA CAAH A HERHMI THAWNGPANG

  • PUA bawmnak a hmuhtu riantuan tu hna caah bawmhnak pek cu rian ngeitu hna nih liam piak a herh lai lo.
  • Pulrai zawtnak pi a dih hnu in, na riantuan tu hna kha rian ah luh than ding tiah thawng na thanh hna nain riantuantu nih rian tuan than a duh lo ahcun, a tanglei Iowa riantuannak lei thanchonak zung ( Workforce Development) kha pehtlaih in thawngh na thanh colh lai:https://www.iowaworkforcedevelopment.gov/job-offer-decline-form-employers
  • Rian ngeitu hna nih rian ngei lo mi hna caah aa-mah-khan ngunkhuai kong he pehtlaih in thlathum ah voikhat an tuah tonmi ripawt kha an tuah colh a herh. Cu hnu lawngah an sinah riantuantu hna nih bawmhnak cu a rannak bik in an hmuh khawh lai.
  • COVID-19 pulrai ruangah siloin rian tuan lo in a um mi riantuantu pakhat khat nih bawmhnak hmuhnak ding caah nawlnak tuahmi kha rian ngeitu hna nih an theih ahcun, Notice of Claims (65-5317) asiloah SIDES thawng theihternak ah an thanh colh ding a si.
  • Rian ngeitu hna nih hlawhman zulh loin dinhnak le hlawh zuh loin zawt ruangah dinhnak a lami riantuantu hna cu Notice of Claim (65-5317) asilaoh SIDES thawng theihternak ah an thanh colh ding a si.

COVID-19 PULRAI RUANGAH HARNAK A TONGTU RIANTUANTU/MAH TEIN RIAN NGEIMI HNA CAAH A HERHMI THAWNGPANG

  • COVID-19 pulrai ruangah rian tuan khawh loin na um a si ahcun, rian ngei lo mi hna caah bawmhnak a simi poah hmuh khawhnak ding caah cun hi ka online in rian ngei lo mi hna aa-mah-khan bawmhnak sawknak ca (application) hi na phih dih a herh. 
  • Na hlawh hmuhmi hna cu Iowa ah rian ngei lomi hna aa-mah-khan hmuhnak ding caah na tlak ko timi ripawt na tuah a si ahcun, Sawknak ca na tuahmi cu tha tein zohfel piak na si lai.   Rian ngei lomi hna caah aa-mah-khan bawmhnak cu sawk kho ding na si ahcun, maivan cakuatnak email in a hringmi in bawmhnak a sawk kho ding na sinak cu theihternak ca kuat an si lai.  Hi cakuat hi na hlawh hmumi vialte a tak si ko langhternak na kuat hnu in na sinah a phan kho mi a si.  HI cakuat pawl cu rian ngei lomi hna caah aa-mah-khan bawmhnak cu a hmu tu ding taktak na si le si lo tha tein thei fiannak ding caah tuahmi a si.   Na hlawh hmuhmi hna a taktak a si ko timi langternak ca na kuat dih cang hna hnu cun a dang tuah a herh ti lai lo.  A dangdang a herhbau mi hna a um sicun rian ngeitu lei in an in pehtlaih te lai.
  • Nangmah tein riantuan, rian ngei (self-employed) na si i UI bawmhnak timi rian ngei lo mi hna caah aa-mah-khan bawmhnak cu pek na si lo ah cun, PUA bawmhnak caah a sawk kho tu na si maw si lo zohfelnak ding caah na hlawhmi man pawl kha Iowa Workforce Development(IWD) ah maivan (online) in na kuat a herh lai. “ What Do I Need to Provide” timi zei pawl dah langhter a herh lai timi tangah khan cohlan khawh a simi a taktak a si ko ti langhternak catlap (form) pawl cu zoh khawh a si. Hlawhmi langhternak cu hikawww.iowaworkforcedevelopment.gov/pua-application in tuah khawh a si.
  • PUA bawmhnak chungin zarhkhat ah na hmuh dingmi bawmhnak le a tambik na hmuh ding bawmhnak zat cu IWD sinah na langhter mi na hlawh hmuhmi hna cungah aa hngat lai.  
  • PUA bawmhnak phaisa na hmuh ding a tang rih ko nain sawnak ca na tuahmi cu a ni caan a luan ahcun a thar in sawknak ca na tuah a herh than lai.

PUMPAK IN BAWMHNAK SAWK DING MI CAAH A HERHMI

Pumpak in Pulrai Ruangah Rian Ngei lomi Hna caah Bawmhnak hmuh ding a sawk kho ding mi hna cu:

  • A dangdang rian ngei lomi hna caah tuahmi aa-mah-khan bawmhnak hna a sawk kho tu a si lai lo. Cu bawmhnak hna cu, rian ngei lo mi hna caah aa-mah-khan tuah piakmi (UI), Federal cozah rian tuantu hna caah rian an ngei lo tikah bawmhnak peknak (UCFE), ralkap a rak tuan balmi hna caah rian an ngei lo tik hnu ah bawmhnak tuah piakmi (UCX), Bualtlak in pulrai caan ah a biapi tuk in rian ngei lo mi hna caah bawmhnak pekmi (PEUC), Rian Ngei lomi tam tuk lio caan ah bawmnak pekmi (EB) le Caantawi ca bawmhnak pek/mah lungtho in bawmhnak pekmi (STC/VSW) hna an si. ASILOAH CUN,
  • A cunglei langhter mi rian ngei lo mi hna caah aa-mah-khan bawmhnak sermi hna chung in nithla a dih cangmi sawknak kha a langhter kho hrim a hau ( asi khawh ahcun), ASILOAH CUN,
  • Mah tein rian ngei in aa cawnmi a rak asi bal lai i a cunglei ah langhtermi rian ngei lo mi hna caah tuahmi aa-mah-khan pawl sawk kho tu a si lonak kha a langhter kho hrimhrim a hau lai. ASILOAH AHCUN,
  • Rian ngeitu caah riantuan thok dingin ni thla hna khiah ciah mi a si lai. Cun, a cunglei ah langhtermi rian ngei lo mi hna caah tuahmi aa-mah-khan pawl sawk kho tu a si lonak kha a langhter kho hrimhrim a hau lai. ASILOAH AHCUN,
  • Mah chawhlehnak rian kha thok cang dingin timhtuahnak tha tein a rak ngei mi a si lai i a cunglei ah langhtermi rian ngei lo mi hna caah tuahmi aa-mah-khan pawl sawk kho tu a si lonak kha a langhter kho hrimhrim a hau lai. CUN,
  • US ramchung ah le a dang ramkulh hna ah rian ngei lo mi hna caah tuahmi aa-mah-khan hna sawknak nawl a ngei lo mi a si lai.
  • A cunglei langhtermi hna COVID-19 pulrai ruangah rian dinhnak langhter kho nak ding caah rian ngei bak lo mi asiloah rian ngeimi in pawcawmnak aa harhmi (partially unemployed) a si a hau lai.

COVID-19 PULRAI RUANGAH RIAN NGEIH LONAK A RUANG HNA: 

PUA bawmhnak sawk khawhnak ding caah cun rian a ngei lo bakmi a si a hau. Asiloah, rian ngeimi in izat lo le a tanglei langhter mi COVID-19 pulrai zawtnak ruangah rian tuan khawh a si ti lo mi asiloah riantuan a ngah lo mi hna lawng nih sawk khawh a si lai: 

  • COVID-19 pulrai nih a tlunh cang asiloah COVID-19 zawtnak hrik a simi khuh tuk tbk hna ngeih ruangah si lei ithlopnak a tuahmi;
  • An chungkhar ah pakhat khat nih COVID-19 pulrai zawtnak hrik a ngei mi hna;
  • An cungkhar hna zohkhenhnak tuanvo a lami asiloah an cungkhar ah COVID-19 pulrai zawtnak hrik in a zaw mi kha a zohkhentu;
  • COVID-19 pulrai zawtnak ruangah ngakchia asiloah an chungkhar pakhat khat a simi kha sianginn kai khawh ti lo asiloah zohkhennak hmunhma ah kal khawh ti lo ruangah ngakchia le an chungkhar hna zohkhenh ding tuanvo ngei mi;
  • COVID-19 zawtnak ruangah pakhat le pakhat i chawnh lonak ding caah tiin inn ah umter ( quarantine) ruangah riantuannak hmunhma ah a phan kho lo mi;
  • COVID-19 pulrai ruangah ngandamnak lei thlopbulnak tuanvo ngeitu hna nih inn ah mah tein um chung in dingin (self-quarantine) ti ruangah rian a tuannak ah a phan kho lo mi;
  • COVID-19 pulrai ruangah rian thok ding tiah timhlamnak a ngeih mi a rawk asiloah riantuannak hmun a thok kho lo mi;
  • COVID-19 pulrai zawtnak in chungkhar zohkhentu lubik nunnak in a liam ruangah a chungkhar zohkhentu lubik dirhmun tuanvo latu asiloah chungkhar hna zohkhen dingin chaw a kawl hawltu a si mi;
  • COVID-19 pulrai zawtnak ruangah a rian tuannak in chuah a herhmi;
  • COVID-19 pulrai zawtnak ruangah a riantuannak zung an khar mi;

PULRAI ZAWTNAK RUANGAH RIAN NGEI LOMI HNA CAAH BAWMNAK SAWK A NGAH LO MI HNA:

  • Maivan chungin hlawh pek in rian a tuan kho mi le a hlan bantuk in a riantuan caan suimilam zong khat i a hlawh zong zuk lo tein tlamtling tein rian a tuan mi hna cu sawk a ngah lai lo.
  • Dam lo ruangah hlawh zuh lomi dinhnak a la mi asiloah hlawh zuh loin dinhnak caan a la mi hna le PUA bawmhnak he hmuh chih ah cun phaisa tam ngai a hleihluat a hmu tu hna cu sawk a ngah lai lo.
  • Ramkulh cozah asiloah federal cozah lei in rian ngei lomi hna caah tuahmi aa-mah-khan bawmhnak hna a simi rian ngei lo mi hna caah aa-mah-khan tuah piakmi (UI), Federal cozah rian tuantu hna caah rian an ngei lo tikah bawmhnak peknak (UCFE), ralkap a rak tuan balmi hna caah rian an ngei lo tik hnu ah bawmhnak tuah piakmi (UCX), Bualtlak in pulrai caan ah a biapi tuk in rian ngei lo mi hna caah bawmhnak pekmi (PEUC), Rian Ngei lomi tam tuk lio caan ah bawmnak pekmi (EB) le Caantawi ca bawmhnak pek/mah lungtho in bawmhnak pekmi (STC/VSW), Kokek rawlrai lo ruangah rian ngei lo mi hna caah bawmhnak (DUA) le Cawnnak Kai Lio Mi hna caah bawmhnak(TEB) ti bantuk sawknak a ngah mi hna cu an ngah lai lo.

PULRAI ZAWTNAK RUANGAH RIAN NGEI LOMI HNA CAAH BAWMNAK (PUA) SAWK NING CANG

Theihherhmi:  HI website in hi khulrang tein in na hlawh hmuhmi taktak hna kha kuat in Pulrai Zawtnak Ruangah Rian Ngei lomi Hna Caah Bawmhnak (PUA) cu sawk khawh a si. Hi Pulrai Zawtnak Ruangah Rian Ngei lomi Hna Caah Bawmhnak (PUA) cu COVID-19 pulrai zawtnak ruangah rian ngei lo in a um mi riantuantu (workers) hna caah federal cozah nih bawmhnak a tuah mi a si i ramkulh cozah lei in a tuahmi rian ngei lo mi hna caah aa-mah-khan bawmhnak he aa khat mi a si lo.  A tanglei hna hi PUA bawmhnak a hmuh kho tu riantuan tu hna an si: 

  • Mah tein rian a ngeimi riantuantu hna ( self-employed workers)
  • Mah tein khawntrek a lami riantuantu hna (contractors)
  • A miak la lo in riantuannak a ngeimi hna ( Non-profit employees) 
  • Caan tling in riantuan asi lo mi asiloah Caan le hmunhma tlak in riantuan tu hna (gig economy workers)
  • Iowa nih ri a khiahmi riantuannak caan asioah kum zeizah tuan cang ( work history) timi a langhter kho rih lo mi aan karlak (part-time) riantuantu hna 

PUA bawmhnak sawk khawhnak ding caah cun na hlawhmi a zat kha tling tein na langhter a hau.  Na hlawhmi zat cu hi website hi kuat khawh a si. A tanglei tuahning cang kha zulhpiak hna:

 

Dot 1:   RIAN NGEI LO MI HNA CAAH TUAHMI BAWMHNAK SAWKNAK

  • Rian ngei lo mi hna caah tuahmi aa-mah-khan cu na tuah bal rih lo a si ahcun hika in :  https://www.iowaworkforcedevelopment.gov/file-claim-unemployment-insurance-benefitssawknak na tuah lai. 
  • Maivan in sawknak timi “ Apply Online Now” timi kha hmeh piak.  
  • Hi rian ngei lo mi hna caah bawmhnak sawknak tuah kho ding na si maw si lo cu Iowa Workforce Development (IWD) zung lei biakhiahnak an tuah te lai.  

 

DOT 2:   NA HLAWHMI ZAT KHA TLING TEIN LANGHTERNAK TUAH DING

  • Rian ngei lo mi hna caah tuahmi aa-mah-khan bawmnak sawknak ca na tuah dih hnu in, na hlawhmi zat kha tling tein langhternak na tuah a herh caah hika ah kuat ding timi “ Submit Proof Here” timi zawn ah hmeh piak.
  • Biahalnak pawl vialte cu phit piak dih hna.
  • Na hlawhmi zat kha tlingtein a dik ko tinak catlap (hna) kuat piak.  Na hlawh balmi vialte cu tling tein na langhter a herh lai. A tanglei catlap hna kha na khumh piak hna cun a ngah ko lai:
  • 2019 1099 Na hlawhmi zat lawng (Miscellaneous Income only)
  • 2019 W-2
  • 2019 Pay stubs
  • 2020 Pay stubs
  • Form 1040 - U.S. Pumpak Hlawhmi Chungin Ngunkhuai Pek Thanmi
  • A dang thimnak khawhnak hna cu a tanglei kuatnak timi ‘submission’ cahmai tawne ah a um lai

A tanglei a herhmi catlap hna na kuat hna dih in na cakuat mi hna hmuhnak cu email in kan hmuh cang timi an in kuat lai

DOT 3:   TUAH CHAP DING

  • IWD lei nih na hlawhmi zat hna na langhter mi cu an zohfel dih hnu ah an biakhiahnak kong he pehtlaih in thawngthanhnak ca an in kuat te lai.  Cun, a dangdang a herhmi a um sicun an in pehtlaih than te lai.
  • Catlap hring pakhat an in kuat te lai.  ZAANGFAH TEIN HI THEIHTERNAK CA HI BIAPI IN CHIAH DUH HLAH. HI THEIHTERNAK CA NIH MAH TEIN RIANTUAN MI (PUA) A SAWKMI CAAH PEHTLAIHNAK A UM LO.  Hi theihternak ca cu amah tein kan system in kuatmi a si caah mah tein riantuan mi ( self-employed) hna nih sawkmi he pehtlaihnak a um lo.  Cucaah, na hlawhmi zat langhternak ca na kuat cang hna nu in HI THEIHTERNAK CA na hmuh ahcun a tang zei hmanh tuah a herh ti lai lo.   Na cakuat mi hna a tlamtlin lo AHCUN le a dangdang a herhmi a um ah cun pehtlaihnak an in tuah te lai.   Kanmah lei in pumpak in kan in pehtlaih dah ti lo cun hi theihternak ca na hmuh cang ahcun nangmah lei in zeidang tuahchap a hau rih lai lo.
  • Zarh in bawmhnak sawknak catlap (application) zong kha tha tein na tuah a herh lai.  Na hlawhmi zat na langhter mi man kha tha tein an zohfel dih hnu ah an in cohlan piak a si ah cun, sawknak ca na tuah zarh thawk in bawmhnak cu pek na si lai.

 HIKA AH KUAT DING

Submit Proof Here

MAH TEIN RIAN NGEI MI (SELF-EMPLOYED), MAH TEIN KHAWNTHEK LAMI RIANTUANTU HNA (CONTRACTORS), CAAN LE HMUNHMA HOIH IN CATLING IN RIANTUANTU A SI LO MI RIANTUANTU HNA (GIG ECONOMY), AMIAK LA LO RIANTUANTU HNA ( NONPROFIT EMPLOYEES), FREELANCERS TBK HNA CAAH TUAH NING CANG:

  • Catlap Hring:  Mah tein riantuan mi le khawntrek la mi riantuantu asiloah caan le hmunhma hoih in caantling riantuantu a si lo mi (gig economy workers) na si i rian ngei lo mi hna caah tuahmi aa-mah-khan sawknak na kuat ahcun, zaangfah tein IWD lei in kuatmi catlap hring kha nangmah he aa pehtlaih lo caah biapi thil in chiah lo ding a si lai.  Khakha cu kan kom-put-ter (computer) in kuat mi a si i sawknak ca na tuahmi he khan zeihmanh pehtlaihnak a um lai lo. A tu tiang cu zei hmanh tuahchap a herh rih lai lo.
  • Sawknak Ca Na Tuahmi Ah A Tlamtling Deuh Rih Lo Ahcun,
    • IWD lei nih phone in an in pehtlaih te lai.
  • Rian Ngei Lomi Hna Caah Tuahmi Aa-mah-khan Sawknak Tuahmi Ca Pawl Zohfelnak An Tuah Dih Hnu Cun:
    • Sawknak ca na tuahmi kha an in cohlan piak le an in hnonpiaknak kong kha email in ca an in kuat te lai.  
    • Sawknak ca na tuahmi cu an in cohlan piak ahcun, ni 5-7 chung ah bawmhnak cu an in pek lai.
    • Na sawkmi cu hnawn piak na si sual ahcun, ni 60 chungah nawlnak na tuah than khawh.

 

 

 

Additional resources:

Unemployment Insurance for Self-Employed Q & A (April 16, 2020)

How to File your Weekly Claim - CARES Act updates (English)

Individual