Unemployment Insurance Extension Under CARES Act - Hakha Chin

Iowa Workforce Development nih Mirang holh he peh tlai in bawmh herh mi hna caah a lak in holh leh piaknak an tuah.

Rian ngei lo mi hna caah aamahkhan (insurance) kong he peh tlai in bia hal awk na ngeih sual ahcun, Nikhat ni, Nihnih ni, Nithum ni, Nili ni le Ninga ni Zinglei Nazi 8:30 in Zanlei 4:30 kar ah man lo in holh leh piak nak 1-866-239-0843 ah chawnh khawh a si.

CORONAVIRUS Bawmhnak, Lungretheih zor ternak le Sii-Pua-Zi he pehtlai in himnak (CARES) Phunglam: CARES Phunglam

President Trump nih CARES Act Bawmhnak Phunglam caah min a thut cang. Mah Phunglam nih mah pumpak rian a tuanmi, စာချုပ် tuah in riantuan mi, cozah nih rian ngei lo ca bawmhnak pek awk aa tlak lomi le bawmhnak a hmang dih cang mi hna caah rian ngei lo mi bawmhnak aamahkhan ngah khawhnak ding lam a karh ter. Mah chap chih mi bawmhnak pawl hi a tu tiang cu a ngah rih lo. Rian ngei lo mi ca aamahkhan tuah ding program thlennak ding kan tuah cuahmah lio a si. Thawngpang thar cu kan website, media outlets, social media in kan rak thanh te lai. Tulio cu kan zung ah thawngpang dang zeihmanh a um rih lo.

Bawmhnak na ngah mi aa thlen sual ahcun, thawng kan in thanh te lai.

NOTE: CARES phunglam nih $1200, le $500 fonh chih in bawmhnak pek awk si mi ngakchia kum 16 le a tang pawl poah poah caah pumpak in tangka an pek hna. Mah tangka peknak kong hi rian ngei lo mi bawmhnak he aa pehtlai lo, cun federal Internal Revenue Service (IRS) nih pekmi thawngpang kha a hrampi lak in federal cozah nih direct in pek a si lai. Mah bawmhnak hi IWD sinah sok a hau lo. IRS nih bawmhnak lak khawh a si tikah an website ah an rak tar te lai: http://www.irs.gov/coronavirus

 

Biahalnak: CARES phunglam tang i ummi rian ngei lo bawmhnak hi ho nih dah a ngah awk a si?

Bialehnak: mah pumpak in rian ngei mi, a luat mi စာချုပ် tuah in rian tuan mi, miaknak ngei lo in riantuan mi le caan tawi te ca lawng in riantuan mi hna, ram nih pek mi rian ngei lo bawmhnak a ngah kho lo mi le a ngah ko nain a hmang dih cang mi hna caah a si.

 

Biahalnak: Mah pumpak rian ngeimi sining law, rian ngei lo bawmhnak caah sok a hau maw?

Bialehnak: A hau. Punghman Iowa halnak sinah hal nak nawl a ngah le ngah lo zohnak ding caah online in halnak na sok hmasa a hau lai. Na sok dih in, kan website ah a herh mi zei thawngpang thar dah a um ti kha check lengmang ding si lai.

Biahalnak: Bawmhnak pawl ka ngah ko lio ah, a hlei in $600 bawmhnak ngah nak ding caah rian ngei lo bawmhnak sok a hau maw?

Bialehnak: A hau lo. Rian ngei lo bawmhnak na sok ko i zoh piak a si ko le a um ciami rian ngei lo bawmh nak hal ciami a um ahcun, a hlei in bawmhnak na ngah ding a um lo. Mah bawmhnak a ngah bak in, bawmhnak pek cu kan thok te lai.

Biahalnak: Kan hnulei zarh ah khan rian ngei lo bawmhnak ka rak ngah i ka hman dih cang. Bawmhnak ngah ding kum a si rih ko nain, bawmhnak ka rak hal cia mi a caan dih hlan tiang bawmhnak na sok than kho ti lo tiah an ka ti. CARES phunglam caah upadi ser mi a awng i a hlei in phaisa ngah ding caah rian ngei lo bawmhnak sok a hau maw?

Bialehnak: A thar in sok a hau ti lo. Bawmhnak pekmi a sauh ter a si tikah, chapchih mi thawngpang pawl cu kan wedsite ah tar a si te lai. 02/02/20 hnu bawmhnak a hmang dih cang i a sok mi vialte cu bawmhnak pek mi sauter tik caah tuah a si lai.

Biahalnak: Rian ngei lo mi bawmhnak a ngah kho ding ka si le si lo zei tin ka hngalh lai?

Bialehnak: Rian ngei lo bawmhnak na sok dih in kan mah nih theihternak kan in tuah te lai. Na soknak kan zoh hlan in cun na ngah khawh le ngah khawh lo ding cu biakhiahnak kan tuah kho lo.

 

Thawngpang hlei: Zarhteni ah khan, U.S. i riantuannak he aa pehtlai mi zung (U.S. Department of Labor) nih Familie First Coronavirus Response Phunglam he pehtlai in Sii khunh a thar in chuah mi le chungkhar le sii khunh sau ter deuh nak kong he peh tlai in a herh mi tawhfung pawl fianter nak caah a herh mi biahalnak le bialehnak caah lam hmuhsaknak (Guidance) an chuah. Mah chuahthar mi upadi cu April 1, 2020 in December 31, 2020 tiang hman ding a si lai.

Khuaram Thathnemnak: Zeitindah upadi thar nih khua le ram le cozah nih thil pakhatkhat a can tikah a hmasa bik phan i bawm chan tu (First responders) ding ah rian pek mi hna caah zei thathnemnak dah a um lai timi biahal nak a chuak mi kong ah lam hmuhsak nak (guidance) i  Biahalnak 38 ah hi ti hin a ti: Damnak zohkhenhnak  ah a tuan mi le thil pakhatkhat a can tikah a hmasa bik phan i bawmchan tu khan rian na pek hna ahcun, thil a sining hrampi zoh in Sii khunh le chungkhar le sii khunh sau ter deuh nak pek a hau lo. Cun khunh nih company thanchonak a donh ahcun, mah pumpak rian hme tete ngei mi nih cun a riantuan tu pawl kha a luatter khawh hna.

 

Individual