Federal Pandemic Unemployment Compensation (FPUC)

ການຊົດເຊີຍເງິນສຳລັບການຫວ່າງງານເນື່ອງຈາກການລະບາດຂອງພະຍາດຂອງລັດຖະບານກາງ (FPUC)

ສະ​ພາບ​ລວມ

ການ​ຊົດ​ເຊີຍ​ເງິນ​ສຳ​ລັບ​ການ​ຫວ່າງ​ງານ​ເນື່ອງ​ຈາກ​ການ​ລະ​ບາດ​ຂອງ​ພະ​ຍາດ​ຂອງ​ລັດ​ຖະ​ບານ​ກາງ (FPUC) ເປັນ​ໂຄງ​ການ​ພາຍ​ໃຕ້ພະ​ລາດຊະ​ບັນ​ຍັດວ່າ​ດ້ວຍ​ການ​ຊ່ວຍ​ເຫຼືອ, ການ​ບັນ​ເທົາ​ທຸກ ແລະ ຄວາມ​ໝັ້ນ​ຄົງ​ທາງ​ດ້ານ​ເສດ​ຖະ​ກິດ (CARES) ເນື່ອງ​ຈາກ​ໄວ​ຣັ​ສ​ໂຄ​ໂຣ​ນາ ປີ 2020 ທີ່​ໃຫ້​ການ​ຈ່າຍ​ເງິນ​ເພີ່ມ​ເຕີມ​ແກ່ບຸກ​ຄົນ​ເຫຼົ່າ​ນັ້ນ​ທີ່​ຈະ​ໄດ້​ຮັບ​ເງິນ​ປະ​ກັນ​ການ​ຫ​ວ່າງ​ງານ​ຂອງ​ລັດ ຫຼື ລັດ​ຖະ​ບານ​ກາງ.  ເປັນ​ການ​ໃຫ້​ເງິນ​ໂດຍ​ລັດ​ຖະ​ບານ​ກາງບໍ່​ແມ່ນ​ພາ​ສີ​ການຫ​ວ່າງ​ງານ​ຂອງ​ລັດ​ທີ່​ຈ່າຍ​ໂດຍ​ນາຍ​ຈ້າງ. 

 ການ​ຊົດ​ເຊີຍເງິນສຳ​ລັບ​ການ​ຫວ່າງ​ງານ​ເນື່ອງ​ຈາກ​ການ​ລະ​ບາດ​ຂອງ​ພະ​ຍາດ​ຂອງ​ລັດ​ຖະ​ບານ​ກາງ (FPUC): 

  • ການ​ຈ່າຍ​ເງິນ​ເພີ່ມ​ເຕີມ $600 ຕໍ່​ອາ​ທິດໃຫ້​ກັບ​ທຸກ​ຄົນ​ຜູ້​ທີ່​ມີ​ຄຸນ​ສົມ​ບັດສຳ​ລັບຜົນ​ປະ​ໂຫຍດການຫ​ວ່າງ​ງານ​ໃໝ່ ຫຼື ມີ​ຢູ່​ແລ້ວ, ລວມ​ທັງການ​ຈ່າຍ​ເງິນ​ປະ​ກັນ​ການຫ​ວ່າງ​ງານ (UI), ການ​ຊົດ​ເຊີຍເງິນ​ການ​ຫວ່າງ​ງານ​ສຳ​ລັບ​ພະ​ນັກ​ງານ​ລັດ​ຖະ​ບານ​ກາງ (UCFE), ​ການ​ຊົດ​ເຊີຍ​ເງິນ​ການ​ຫວ່າງ​ງານ​ສຳ​ລັບ Ex-Servicemembers (UCX), ການ​ຊົດ​ເຊີຍ​ເງິນ​ການ​ຫວ່າງ​ງານກໍ​ລະ​ນີ​ສຸກ​ເສີນ​ເນື່ອງ​ຈາກ​ການ​ລະ​ບາດ​ຂອງ​ພະ​ຍາດ (PEUC),  ການ​ໃຫ້​ຄວາມ​ຊ່ວຍ​ເຫຼືອການຫວ່າງ​ງານ​ເນື່ອງ​ຈາກ​ການ​ລະ​ບາດ​ຂອງ​ພະ​ຍ​າດ (PUA), ​ຜົນ​ປະ​ໂຫຍດ​ເພີ່ມ​ເຕີມ (EB), ການ​ຊົດ​ເຊີຍ​ໄລ​ຍະ​ສັ້ນ / ການນ​ເຮັດ​ວຽກ​ຮ່ວມ​ກັນ​ແບບ​ສະ​ໝັກ​ໃຈ (STC/VSW), ຄ່າ​ໃຊ້​ຈ່າຍ​ໃນ​ການ​ຈັດ​ການ​ຄ້າ​ຄືນ​ໃໝ່ (TRA) ແລະ ການ​ຊ່ວຍ​ເຫຼືອ​ກໍ​ລະ​ນີ​ຫວ່າງ​ງານ​ຍ້ອນ​ໄພ​ພິ​ບັດ (DUA).  ໂຄງການທີ່ບໍ່ໄດ້ຮັບ FPUC ເປັນຜົນປະໂຫຍດໃນການຂະຫຍາຍການເຝິກອົບຮົມ (TEB) ແລະ ການປິດກິດຈະການ.
    • ວັນ​ທີ​ເລີ່ມ​ຕົ້ນ: ວັນ​ທີ 29 ມີ​ນາ 2020 (ອາ​ທິດ​ສິ້ນ​ສຸດ ວັນ​ທີ 4 ເມ​ສາ 2020) 
    • ວັນ​ທີ​ສິ້ນ​ສຸດ:  ອາ​ທິດ​ສິ້ນ​ສຸດ ວັນ​ທີ 25 ກໍ​ລະ​ກົດ 2020 

ຄຳ​ເຕືອນ​ການ​ສໍ້​ໂກງ!

  • ຖ້າ​ທ່ານ​​ສ້າງ ຫຼື ເຮັດ​ໃຫ້​ບຸກ​ຄົນ​ອື່ນ​ໃຫ້​ຂໍ້​ຄວາມ​ທີ່​ບໍ່​ມີ​ຄວາມ​ຈິງແບບ​ຕັ້ງ​ໃຈ ຫຼື ​ຕັ້ງ​ໃຈເຮັດ​ໃຫ້ ຫຼື ເປັນ​ສາ​ເຫດ​ໃຫ້ບຸກ​ຄົນ​ອື່ນບໍ່​ສາ​ມາດ​ເປີດ​ເຜີຍຄວາມ​ຈິງ​ທີ່​ສຳ​ຄັນ ແລະ ເປັນ​ຜົນ​ເຮັດ​ໃຫ້​ໄດ້​ຮັບ​ຈຳ​ນວນ​ເງິນ​ຊົດ​ເຊີຍ​ການ​ຫວ່າງ​ງານ​ເນື່ອງ​ຈາກ​ການ​ລະ​ບາດ​ຂອງ​ພະ​ຍາດ​ຂອງ​ລັດ​ຖະ​ບານ​ກາງທີ່​ທ່ານບໍ່​ມີ​ສິດ​ທີ່​ຈະ​ໄດ້​ຮັບ, ທ່ານ​ຈະ​ຕ້ອງ​ຖືກ​ດຳ​ເນີ​ນ​ຄະ​ດີ​ຕາມ​ມາດ​ຕາ 19 ວັກ 1001 ໃນ​ຂໍ້ 18, ສະ​ຫະ​ລັດ ອາ​ເມ​ລິ​ກາ. ບຸກ​ຄົນ​ທີ່​ພົບ​ວ່າ​ໄດ້​ກະ​ທຳ​ການ​ສໍ້​ໂກງ ແລະ ​ໄດ້ຖືກ​ຕັດ​ສິດເປັນ​ເວ​ລາໜຶ່ງ​ອາ​ທິດ​ຕໍ່​ມາ (ຫຼື ຫຼາຍ​ອາ​ທິດ) ຂອງ​ການ​ປະ​ກັນ​ການ​ຫວ່າງ​ງານທີ່​ລວມ​ທັງ​ການ​ຈ່າຍ​ເງິນ​ຂອງ FPUC ຈະ​ບໍ່​ມີ​ສິດ​ໄດ້​ຮັບ​ເງິນ​ເພີ່ມ​ເຕີມຂອງ FPUC ໃນ​ອະ​ນາ​ຄົດຫຼັງ​ຈາກ​ທີ່​ຖືກ​ຕັດ​ສິດ.
  • ການ​ອອກ​ຈາກວຽກ​ໂດຍບໍ່​ມີ​ສາ​ເຫດເພື່ອ​ຮັບ​​ຜົນ​ປະ​ໂຫຍດ​ເພີ່ມ​ເຕີມ​ພາຍ​ໃຕ້​ໂຄງ​ການ UI ປົກ​ກະ​ຕິ ຫຼື ພະ​ລາດ​ຊະ​ບັນ​ຍັດ CARES ຖື​ວ່າ​ເປັນ​ການ​ສໍ້​ໂກງ. ຖ້າ​ທ່ານ​ໄດ້​ຮັບ​ຜົນ​ປະ​ໂຫຍດ​ເຫຼົ່າ​ນີ້​ຜ່ານ​ການ​ສໍ້​ໂກງ, ທ່ານ​ຈະ​ບໍ່​ມີ​ສິດ​ໄດ້​ຮັບ​ການ​ຈ່າຍ​ຜົນ​ປະ​ໂຫຍດ​ເພີ່ມ​ເຕີມໃດໆ, ຈະ​ຕ້ອງ​ຈ່າຍ​ຄືນ​ຜົນ​ປະ​ໂຫຍດ ແລະ ຕ້ອງ​ຖືກ​ດຳ​ເນີນ​ຄະ​ດີ​ທາງ​ຍາ​ອາ​ຕາມ​ມາດ​ຕາ 1001 ຂໍ້ 18, ຂອງ​ສະ​ຫະ​ລັດ​ອາ​ເມ​ລິ​ກາ.
  • ການ​ນຳ​ສະ​ເໜີ​ທີ່​ຜິດ​ພາດ​ໂດຍ​ເຈດ​ຕະ​ນາ​ໃນ​ການ​ລາຍ​ງານກ່ຽວ​ກັບ​ລາຍ​ໄດ້​ທີ່​ໄດ້​ຮັບ​ໃນ​ຊ່ວງ​ໜຶ່ງ​ອາ​ທິດ​ຂອງ​ການ​ຮຽກ​ຮ້ອງ​ເອົາ​ຄ່າທົດ​ແທນ​ປະ​ຈຳ​ອາ​ທິດ​ແບບ​ຕໍ່​ເນື່ອງຂອງ​ການ​ປະ​ກັນ​ການ​ຫວ່າງ​ງານອາດ​ສົ່ງ​ຜົນ​ໃຫ້​ເກີດ​ການ​ສໍ້​ໂກງ, ການ​ຕັດ​ສິດ​ຈາກ​ຜົນ​ປະ​ໂຫຍດ ແລະ ການ​ຈ່າຍ​ຜົນ​ປະ​ໂຫຍດຫຼາຍ​ເກີນ​ໄປ, ນອກ​ເໜືອ​ໄປ​ຈາກ​ບົດ​ລົງ​ໂທດ​ອື່ນໆ ແລະ ການ​ດຳ​ເນີນ​ຄະ​ດີ​ທາງ​ອາ​ຍາ​ທີ່​ອາດ​ເກີດ​ຂຶ້ນ.

ຂໍ້​ມູນ​ສຳ​ຄັນ​ອື່ນໆ​ສຳ​ລັບຜູ້​ອ້າງ​ສິດ

  • ຄວາມ​ຮັບ​ຜິດ​ຊອບ​ໃນ​ການ​ຊ່ວຍ​ເຫຼືອ​ເດັກ​ຈະ​ຕ້ອງຖືກ​ຫັກ​ອອກ​ຈາກ​ການ​ຈ່າຍເງິນ​ຂອງ FPUC ໃນ​ລັກ​ສະ​ນະ​ດຽວ​ກັນ​ກັບ​ທີ່​ພວກ​ເຂົາ​ຈະ​ໄດ້​ຮັບ​ຜົນ​ປະ​ໂຫຍດ​ການ​ປະ​ກັນ​ການ​ຫວ່າງ​ງານ​ຕາມ​ປົກ​ກະ​ຕິ.
  • ການ​ຈ່າຍ​ເງິນຂອງ FPUC ຕ້ອງ​ໄດ້​ເສຍ​ພາ​ສີ. ການ​ຈ່າຍ​ເງິນ​ເຫຼົ່າ​ນີ້​ຈະ​ຕ້ອງ​ລວມ​ເຂົ້າ​ໃນ 1099G ຂອງ​ທ່ານ​ທີ່​ທ່ານ​ໄດ້​ຮັບ​ສຳ​ລັບ​ປີ​ພາ​ສີ 2020. ​​ພາ​ສີ​ຈະ​ຕ້ອງ​ຖືກ​ຫັກ​ອອກ​ຈາກ​ຈຳ​ນວນ​ເງິນ​ທີ່​ຈ່າຍ​ຂອງ FPUC ຖ້າ​ທ່ານ​ໄດ້​ເລືອກ​ທີ່​ຈະ​ໃຫ້​ມີ​ການ​ຫັກ​ຈາກ​ຜົນ​ປະ​ໂຫຍດ​ປະ​ກັນ​ການ​ຫວ່າງ​ງານ​ຂອງ​ທ່ານ.

ຂໍ້​ມູນ​ສຳ​ລັບ​ນາຍ​ຈ້າງ

  • ນາຍ​ຈ້າງ​ຈະ​ບໍ່​ຖືກ​ຮຽກ​ເກັບ​ເງິນ​ສຳ​ລັບ​ຜົນ​ປະ​ໂຫຍດ​ທີ່​ຈ່າຍ​ໃຫ້​ກັບ​ລູກ​ຈ້າງ​ທີ່​ໄດ້​ຮັບ FPUC.
  • ຖ້າ​ທ່ານ​ໄດ້​ສະ​ເໜີ​ວຽກ​ໃຫ້​ກັບ​ລູກ​ຄ້າ​ເມື່ອ​ການ​ລະ​ບາດ​ສິ້ນ​ສຸດ​ລົງ ແລະ ລູກ​ຈ້າງ​ຂອງ​ທ່ານປະ​ຕິ​ເສດ​ທີ່​ຈະ​ກັບ​ໄປ​ເຮັດ​ວຽກ, ທ່ານ​ຈະ​ຕ້ອງ​ແຈ້ງ​ໃຫ້​ຝ່າຍ​ພັດ​ທະ​ນາ​ແຮງ​ງານ​ຂອງ​ໄອ​ໂອ​ວາ ທີ່​ນີ້:  https://www.iowaworkforcedevelopment.gov/job-offer-decline-form-employers
  • ນາຍ​ຈ້າງ​ຄວນ​ຈະ​ກວດ​ສອບ​ໃຫ້​ແນ່​ໃຈ​ວ່າພວກ​ເຂົາ​ໄດ້​ສົ່ງ​ລາຍ​ງານ​ປະ​ກັນ​ການ​ຫວ່າງ​ງານ​ປະ​ຈຳ​ໄຕ​ມາດ​ປະ​ຈຸ​ບັນ ແລະ ທັນ​ເວ​ລາ ເພື່ອ​ໃຫ້​ລູກ​ຈ້າງຂອງ​ຕົນ​ໄດ້​ຮັບ​ຜົນ​ປະ​ໂຫຍດໂດຍໄວທີ່ສຸດ.  
  • ນາຍຈ້າງຄວນຈະໂຕ້ຕອບທຸກການ​ປະ​ກາດແຈ້ງການກ່ຽວກັບການ​ອ້າງ​ສິດ (65-5317) ຫຼື ການແຈ້ງເຕືອນຂອງ SIDES ຖ້າມີການຍື່ນການ​ອ້າງ​ສິດສຳ​ລັບ​ບາງ​ຄົນ​ທີ່ບໍ່​ໄດ້​ເຮັດ​ວຽກ ​ເນື່ອງຈາກ​ເຫດ​ຜົນ​ອື່ນໆ​ນອກ​ຈາກ COVID-19.
  • ນາຍ​ຈ້າງ​ຄວນ​ໂຕ້​ຕອບຄືນ​ຕໍ່​ກັບ​ການ​ປະ​ກາດ​ແຈ້ງ​ການ​ກ່ຽວ​ກັບການ​ອ້າງ​ສິດ (65-5317) ຫຼື ການ​ແຈ້ງ​ເຕືອນຂອງ SIDES ເພື່ອ​ລາຍ​ງານ​ການ​ລາ​ປ່ວຍ​ທີ່​ໄດ້​ຮັບ​ເງິນ​ຄ່າ​ຈ້າງ ຫຼື ຜົນ​ປະ​ໂຫຍດ​ການ​ລາ​ພັກ​ອື່ນໆ​ທີ່​ໄດ້​ຮັບ​ຄ່າ​ຈ້າງ.

ຂໍ້​ມູນ​ສຳ​ລັບ​ລູກ​ຈ້າງ / ຄົນ​ງານ​ທີ່​ໄດ້​ຮັບ​ຜົນ​ກະ​ທົບ​ຈາກ COVID-19

  • ຖ້າ​ທ່ານບໍ່​ໄດ້​ເຮັດ​ວຽກ​ອັນ​ເປັນ​ຜົນ​ມາ​ຈາກ COVID-19, ທ່ານ​ຈະ​ຕ້ອງ​ຍື່ນໃບ​ສະ​ໝັກ​ຮຽກ​ຮ້ອງ​ປະ​ກັນ​ການ​ຫວ່າງ​ງານ ທາງ​ອອນ​ລາຍ ເພື່ອ​ຮັບ​ການ​ປະ​ກັນ​ການ​ຫວ່າງ​ງານ​ໃນ​ທຸກໆ​ຮູບ​ແບບ. 
  • ການ​ອ້າງ​ສິດ​ຂອງ​ທ່ານ​ຈະ​ໄດ້​ຮັບ​ການກວດ​ສອບ​ວ່າ​ທ່ານ​ມີ​ສິດ​ສຳ​ລັບ FPUC ຫຼືບໍ່.   ຖ້າ​ທ່ານ​ມີ​ສິດ​ໄດ້​ຮັບ​ເງິນ​ຜົນ​ປະ​ໂຫຍດ​ໃດ​ໜ​ຶ່ງ​ຂອງ​ລັດ ຫຼື ລັດ​ຖະ​ບານ​ກາງໃນ​ອາ​ທິດ​ໃດ​ໜຶ່ງ ນັບ​ຕັ້ງ​ແຕ່​ວັນ​ທີ 29 ມີ​ນາ 2020 ເຖິງວັນ​ທີ 25 ກໍ​ລະ​ກົດ 2020 ທ່ານ​ຈະ​ມີ​ສິດ​ໄດ້​ຮັບ​ເງິນ​ທີ່​ຈ່າຍ​ຂອງ FPUC.
  • ເມື່ອ​ທ່ານ​ໄດ້​ຮັບ​ເງິນ​ທີ່​ຈ່າຍ​ໃນ​ໂຄງ​ການ FPUC, ທ່ານ​ຍັງ​ຈະ​ຕ້ອງ​ໄດ້​ລາຍ​ງານການ​ຮຽກ​ຮ້ອງ​ປະ​ຈຳ​ອາ​ທິດ​ຂອງ​ທ່ານ​ໃນ​ແຕ່​ລະ​ອາ​ທິດ​ເພື່ອ​ຮັບ​ເອົາ​ເງິນ.  ທ່ານ​ຈະ​ໄດ້​ຮັບເງິນ​ຜ່ານ​ວິ​ທີ​ການ​ຈ່າຍ​ແບບ​ດຽວ​ກັນກັບ​ທີ່​ທ່ານ​ໄດ້​ຮັບ​ເງິນ​ໃນ​ຜົນ​ປະ​ໂຫຍດ​ອື່ນໆ

ການ​ມີ​ສິດ​ໄດ້​ຮັບ​ຂອງ​ແຕ່​ລະ​ຄົນ

ເພື່ອ​ໃຫ້​ມີ​ສິດ​ໄດ້​ຮັບ​ຜົນ​ປະ​ໂຫຍດ​ພາຍ​ໃຕ້​ການ​ຊົດ​ເຊີຍ​ເງິນ​ສຳ​ລັບ​ການ​ຫວ່າງ​ງານເນື່ອງ​ຈາກ​ການ​ລະ​ບາດ​ຂອງ​ພະ​ຍາດ​ຂອງ​ລັດ​ຖະ​ບານ​ກາງ, ແຕ່​ລະ​ຄົນ​ຈະ​ຕ້ອງ:

  • ມີ​ສິດສຳ​ລັບ​ໂຄງ​ການ​ປະ​ກັນ​ການ​ຫວ່າງ​ງານ​ຂອງ​ລັດ ຫຼື ລັດ​ຖະ​ບານ​ກາງ ແລະ
    • ມີ​ສິດ​ໄດ້​ຮັບ​ຢ່າງ​ໜ້ອຍ $1 ໃນ​ໂຄງ​ການ​ປະ​ກັນ​ການ​ຫວ່າງ​ງານ ຫຼື
    • ການ​ຈ່າຍ​ເງິນສຳ​ລັບ​ການ​ຫວ່າງ​ງານ​ທັງ​ໝົດ​ຖືກ​ລະ​ງັບ​ໄວ້ ເພື່ອ​ຊົດ​ເຊີຍ​ການ​ຈ່າຍ​ເງິນ​ທີ່​ເກີນ​ທີ່ບໍ່​ແມ່ນ​ການ​ສໍ້​ໂກງ. 
  • ສາ​ມາດ ແລະ ພ້ອມ​ສຳ​ລັບການ​ເຮັດ​ວຽກ ແລະ ການ​ຊອກ​ຫາ​ວຽກຢ່າງຂະຫຍັນຂັນແຂງ, ເວັ້ນ​ເສຍ​ແຕ່ບໍ່​ສາ​ມາດ​ເຮັດ​ໄດ້​ເນື່ອງ​ຈາກ​ເຫດ​ຜົນ​ທີ່​ກ່ຽວ​ຂ້ອງ​ກັບ COVID-19
  • ຕື່ມ​ແບບ​ຟອມ ແລະ ເກັບ​ຮັກ​ສາ​ບັນ​ທຶກ​ການ​ຊອກ​ຫາ​ວຽກ (ຖ້າ​ຕ້ອງ​ການຊອກ​ຫາ​ວຽກ​ໃນ​ການອ້າງ​ສິດ​ຂອງ​ທ່ານ)
  • ລາຍ​ງາຍ​ລາຍ​ໄດ້​ທີ່​ຄວບ​ຄຸມ​ໃດ​ໜຶ່ງ​ທີ່​ໄດ້​ຮັບ​ລະ​ຫວ່າງ​ອາ​ທິດ​ທີ່​ຖືກ​ອ້າງ​ສິດ. ລາຍ​ໄດ້​ທີ່​ໄດ້​ຮັບການ​ຄຸ້ມ​ຄອງ​ລວມ​ເຖິງ, ແຕ່ບໍ່​ຈຳ​ກັດ​ເຖິງ, ເດືອນ, ຄ່າ​ຈ້າງ​ເວ​ລາ​ພັກ​ເຈັບ​ປ່ວຍ, ຄ່າ​ລາ​ພັກ​ຮ້ອນ ແລະ ຄ່າ​ຈ້າງມື້​ພັກ.

ຂ້ອຍ​ຈະຕ້ອງ​ເຮັດແນວ​ໃດ​ແດ່?

  • ຖ້າ​ທ່ານ​ຍັງ​ບໍ່​ທັນ​ໄດ້​ດຳ​ເນີນ​ການ, ໃຫ້​ຍື່ນ​ການ​ອ້າງ​ສິດ​ທາງ​ອອນ​ໄລໄດ້​ທີ່ https://www.iowaworkforcedevelopment.gov/file-claim-unemployment-insurance-benefits
  • ຖ້າ​ທ່ານ​ໄດ້​ຍື່ນ​ການ​ອ້າງ​ສິດ​ປະ​ກັນ​ການ​ຫວ່າງ​ງານ​ໃນ​ຫວ່າງບໍ່​ດົນ​ມາ​ນີ້, ການ​ຈ່າຍ​ເງິນ​ຫວ່າງ​ງານ​ເພີ່ມ​ເຕີມ​ຂອງ FPUC ຈະ​ຖືກ​ເພີ່ມ​ເຂົ້າ​ໃນ​ອາ​ທິດ​ການ​ຫວ່າງ​ງານ​ໃນ​ອະ​ນາ​ຄົດ ເນື່ອງ​ຈ​າກ​ພະ​ແນກ​ໄດ້​ກຳ​ນົດ​ໂຄງ​ການ​ນັ້ນ​ແລ້ວ.  ຫຼັງ​ຈາກວັນ​ທີ​ທີ່​ມີ​ຜົນ​ບັງ​ຄັບ​ໃຊ້​ຂອງ​ໂຄງ​ການ​ນີ້​ແລ້ວ, ການ​ຈ່າຍ​ເງິນ​ຄືນ​ຈະ​ຖືກ​ດຳ​ເນີນ​ການ​ຖ້າ​ວ່າ​ທ່ານ​ມີ​ສິດ​ໄດ້​ຮັບ.
  • ຍື່ນ​ການ​ອ້າງ​ສິດ​ປະ​ຈຳ​ອາ​ທິດ:  https://www.iowaworkforcedevelopment.gov/file-weekly-continued-claim 

ຊົ່ວ​ໂມງໃນ​ການ​ສົ່ງ​ການ​ອ້າງ​ສິດ​ປະ​ຈຳ​ອາ​ທິດ

ວັນ​ອາ​ທິດ - 8:00 ໂມງ​ເຊົ້າ ຫາ 7:30 ​ແລງ

ວັນ​ຈັນ ຫາ ວັນ​ສຸກ - 8:00 ໂມງ​ເຊົ້າ - 5:30 ແລງ

ສຳລັບຄຳຖາມສະເພາະເຈາະຈົງກ່ຽວກັບການອ້າງສິດຂອງທ່ານ, ກະລຸນາຕິດຕໍ່ uiclaimshelp@iwd.iowa.gov ຫຼື ໂທຫາພວກເຮົາທີ່ເບີ 866-239-0843.

 

 

Individual